Comune di CuglieriComune di Cuglieri

Bai a is testus

Bai a s'elencu



Pagina:

A susu


Testus

Produtziones tipicas

Su casizolu de Su Montiferru
Sa peraula logudoresa “casizolu” dipendhede da su latinu Caseolus , e cherede narrere, fromma de casu piticca, e nois in su Montiferru, ma pensamos in totta sa Saldigna, lu connoschimos comente casu de latte 'e acca, fattu a fromma de pira cun su tenaghe tribagliadu in tantos modos. Su latte chi si usada depiat essere de baccas ruggias saldas-modicanas, chi paschene in sas cussolzas de su Montiferru. Sa cantidade de latte chi custu bistiamene produidi no est meda, e po custu motivu sa cantidade no est bundhante e da cussu su preziu est unu pagu altu. Finzas sos logos de paschimenta cuntribùini a dare a custu tipu 'e casu sas calidades chi tenede. Sos logos inue su casizolu si faghede sunu collocados tra sa provintzia de Aristanisi e Nuoro, ma sas zonas interessadas sunu po sa mazore palte in sa Comunidade Montana Montiferru. Su casizolu est de pasta groga, e corriata, su colzu este in colore 'e pazza e istagionadu diventada prus biancazzu. Candho est friscu si zughede in sos primmos pratoso, e cun sos drucchese andhada bene meda ca est drucche issu puru e finamentas unu pagu piccante. Candho istagionada su piccante li essidi de prusu propiu giustu po lu mandhigare finamentas solu. Est bonu meda cun s'aghina, sa figu, sa pira e sa nughe. Hada dadu risultadu onu abbinandhelu finas cun su mele.

S'ozu de ulia de su Montiferru
Sa coltura de s'ozu 'e ulia in Saldigna parede ndhe l'eppene battida sos Fenicios, est sighida cun sos Romanos e s'est ilvilupada sempere de prusu sutta su dominiu ispagnolu, candho sunu istadas prantadas ulias de sa calidade “Bosana”. Oe si chilcada sa calidade de s'ozu “Extravergine”, in su tempus passadu s'apreziaidi su gustu e su sabore, e fudi usadu propiu cun “sa pumma” coment' a narrere cun rispalmiu e attenzione, nassimu in s'internu e s'isula. De colore est grogu-bilde, su sabore est unu pagu ranchizolu, s'assimizada a su sabore de sa calzofa, e mezzòrada su gustu de sos mandhigos.

Sas aziendas chi produini ozu

  • Azienda agricola Pes
    via Vescovo Canu n° 17 (OR)
    tel. 0785.38366 e-mail: sulivariu@santimenia.it - www.santimbenia.it
  • Azienda agricola Giorgio Zampa
    via Vescovo Canu n°18, 09073 Cuglieri (OR)
    tel.0785.39820, fax 0785.70307
  • Azienda olearia Peddio
    c.so Umberto n° 98, 09073 Cuglieri (OR)
    tel. 0785.369254
  • Azienda olearia Idda Sebastiano
    località “Barones”,09073 Cuglieri (OR)
    cel. 3334712549 tel.0785.36099
 
@ Comunu de Cuglieri

A susu