Comune di CuglieriComune di Cuglieri

Bai a is testus

Bai a s'elencu



Pagina:

A susu


Testus

Sos Montes

Sos unicos beros montes de sa Provintzia di Aristanisi sunu su Monte Arci e su Montiferru chi est una cadena de antigos vulcanoso e dòminada tottu su territoriu centru-occidentale de sa Saldigna. Est caraterizzadu da trachite e basaltu ammuntados de buscos de onzi manera. Difattisi da sa fazione de custos montes si podede cumprendhere chi antigamente funi ammuntados de unu tottu da un'unica foresta, chi oe nos lassana po distimonzos sos buscos chi connoschimos. Sas puntas prus altas de su Montiferru sunu Monte Ultigu (1050 MT) e Monte Entu (1024 MT). Da custas altarias si podene biere in su tempus bonu, su prusu in s'istiu, bona palte de totta sa Saldigna. A su cumintzu de su 1990-92 si pensaidi de faghere unu “Parco Naturale” propiu ca si ciapana in custos montes buscos de suelzos, de castanza, de chelcu, linu ruggiu chi oe est diventadu prus raru. In sas zonas prus bassas si ciapana sos buscos de elighe, e olostros e su chi li narana “Macchia Medirettanea”, multa, chessa, mudregu, ulidone, aladerru,atentu, romasinu po narrere sas prus connotas. In custos montes est bellu meda a bi faghere passizzadas peri sos caminos chi attraessana baddhes e canales, e po andhare a biere abba a sas bundhantes funtanas chi si bi ciapana Tiu Memmere, Su Cantaru 'e S'ozzu,Baddhedra, Elighes Buttiosos po narrere sas prus connoschidas. Da custas abbas leana vida sos rios de Mammine, Bia josso, Malancone, Sirisi, Riu Mannu.Buttoni. Un'atera bellesa de custos montes,baddhes e buscos est chi si bi ciapada onzi zenia de fera: polcrabos, assiles, battu areste, mazzone, anaemele, lepere. Custas sunu zonas addatas po sa puzzonina: columbos, beccaccias, peldigas, grivasa, colbos, corrogas e pigas, prus totta sa puzzonina minuda. Da calchi annu sunu istados iscappados sos murones e sos chelbos, chi sun bistados , pesados in zonas de ripopolamentu fattas da S'Ente Foreste della Sardegna, chi paris a sa Lipu ana attrezzadu una voliera, inue si pesada su entulzu.

 
@ Comunu de Cuglieri

A susu