Comune di CuglieriComune di Cuglieri

Bai a is testus

Bai a s'elencu



Pagina:

A susu


Testus

Bonfiglio Mura

Una de sas pessonas Cuglieridanas chi hana tentu fama in s'ottighentos est bistadu Nenaldu Mura. Cust'omine est naschidu in Cuglieri su 6 de Austu 1810; candho teniada 15 annoso hada dezisu de intrare a faghere palte de s'oldine Religiosu de sos Selvos de Maria in su Cuventu “SS Annunziata” de su Monte Senariu de Firenze, inue hada leadu su nomene de “Bonfiglio”. Da Firenze tandho est bistadu mandhadu a Tatari comente “lettore de Filosofia” e inoghe si est laureadu in Teologia. Est diventadu Priore de su Cuventu de Bologna, Rezente de su “Collegiu de S. Marcello in Roma, Procuradore a Napoli, professore de Dirittu in s'Universidade de Perugia, e rettore de sa matessi universidade da su 1854 a su 1858. Da su 1860 a su 1870 est'istadu “Retore Magnificu” de s'Universidade “La Sapienzia” de Roma. Si ch’ est fuidu a pustis de sa “Breccia 'e Porta Pia” in su 1870, e est torrau a Cuglieri, inue est adduradu 8 annos. Est a pustis andhadu a Casteddhu inue hada tènnidu unu cursu de “Dirittu Naturale” in su semenariu de custa zittade. Leone XIII in su 1879 l'hada nominadu Archipiscamu de Aristanisi. Bonfiglio Mura est moltu in Cuglieri su 18 'e Triulas 1882, e a pustis de 20 annos sos ossos suos sun bistados postos aintro de unu “Mausoleo” de malmaru in sa Creja de Santa Maria 'e su Nie cun tantu de onoranzias solennes.

 
@ Comunu de Cuglieri

A susu