Comune di CuglieriComune di Cuglieri

Bai a is testus

Bai a s'elencu



Pagina:

A susu


Testus

Sos primmos annos de su Noighentoso

A su cuminzu de su '900, Cuglieri, mancari esserede peldidu su titulu de Capu 'e logu de Provintzia, fudi addurada una iddha ricca e de impoltu. Teniada tantos selvizioso:comente sa posta, sa banca, e finzas sa caselma de sos Carabineris. Totta sa iddha fudi selbìda da sa linia e s'abba, e da sas fognasa, e che fudi giài sa lughe pubblica in sas carrelas e in sas domos. Medas funi sas buttegasa de robasa e bistirese, mobiles po domo, alimentarese, che haiada bravos artigianoso, alberisi, cattolagioso, mastros de ferru, mastros de pannu, mastros de linna, istangos, unu noleggiu de carrozzasa, e un'isteralzu. Sa iddha fu cullegada cun Aristanisi da un' istrada nazionale, e cun Santulussulzu,a Iscanu, e a Tresnuraghese da un'istrada provintziale. Si comente sa iddha 'e Tresnuraghese teniada s'istazione de sos trenos, Cuglieri haiada postu unu selviziu de postales po b'imbattere d'onzi die. In s'addhe, sutta sa iddha a cara a mare che haiada e c'hada prusu de 500 ettaros de terrinu postos a ulivarios. Sas pasturas funi bundhanziosas: bi paschiana pegos buloso, albeghese e crabas;c'haiada duos casufizios, medas mulinos po laore peri sos rios, medas atteros aintro sa iddha po maghinare s'ulia e tres conzas.

No funi medas in Saldigna in cussos tempos sas biddhas chi teniana tottu custas fainasa. In su 1927 Cuglieri est diventada sa sede de su Pontificiu Seminariu Regionale;intregadu da su paba Pio XI a sos Gesuitas, hada 'attidu ricchesa e azzudu a sa iddha finzasa a cando enidi serradu in su 1970. Oe custu dominariu est propiedade de sa Regione Sarda.

 
@ Comunu de Cuglieri

A susu